“Mudrik Ukraynaya 4-cü “Qızıl top”u gətirə bilər”
Ukraynalı məşhur peşəkar boksçu Aleksandr Usikin fikrincə, Mixail Mudrik gələcəkdə “Qızıl top”u qazana bilər.
Msport.az xəbər verir ki, o, “Çelsi”nin Mudrikə görə 100 milyon avro xərcləməsini normal qarşıladığını deyib:
“Hər şeyin qiyməti qalxıb. Mənə elə gəlir ki, o, 100 milyondan da bir qədər baha qiymətə layiqdir. Onu çoxdan izləyirəm. İlk dəfə U-17-də görmüşəm. Saç düzümü və tatusu adamın gözünə girir.
Mənə elə gəlir ki, bu oğlan Ukraynaya dördüncü “Qızıl top”u gətirə bilər”.
Qeyd edək ki, ukraynalı 3 futbolçu – Oleq Bloxin, İqor Belanov və Andrey Şevçenko “Qızıl top”u qazanıb.
ANAR ABDULLAYEV
