"Nant" "Qarabağ"la oyundan öncə əməkdaşını qovdu
“Nant” Fransada “Qarabağ”a qarşı keçirəcəyi UEFA Avropa Liqasının qrup mərhələsinin V tur oyunundan öncə əməkdaşını qovub.
Msport.az-ın məlumatına görə, buna sözügedən şəxsin sosial şəbəkələrdə irqçiliyə yol verməsi səbəb olub.
Afrikalılar haqqında təhqiramiz ifadələr işlədən stüard klub rəhbərliyinin tələbi ilə işdən kənarlaşdırılıb.
Qeyd edək ki, oktyabrın 27-də keçiriləcək “Nant” – “Qarabağ” qarşılaşması Bakı vaxtı ilə saat 23:00-da başlayacaq.
