“Napoli” 38 yaşlı hücumçuya maraq göstərir
“Napoli” Ceymi Vardi ilə maraqlanır. Msport.az xəbər verir ki, 38 yaşlı hücumçu “Lester”dən ayrıldıqdan sonra azad agentdir.
Romelu Lukaku zədələndiyindən Neapol klubu yeni forvard axtarışındadır. Qeyd edək ki, Belçika millisinin üzvü 3 ay yaşıl meydanlardan kənarda qalacaq. Vardi onu əvəz edə biləcək mümkün namizədlər arasındadır.
Vardi ötən mövsüm İngiltərə Premyer Liqasında 35 oyunda 9 qol vurub və 4 məhsuldar ötürmə verib.
