“Napoli”də müqavilə
İtaliyanın “Napoli” klubu futbolçusu Mixael Folorunşo ilə müqavilənin müddətini uzadıb.
Msport.az xəbər verir ki, bu barədə Neapol təmsilçisinin rəsmi saytı məlumat yayıb.
26 yaşlı futbolçu ilə 2029-cu ilin ortalarına qədər olan müddətə müqavilə imzalanıb.
Folorunşo ötən mövsüm icarə əsasında “Verona”da çıxış edib. Yarımmüdafiəçi son A Seriyasında 34 matçda 5 qol vurub və bir məhsuldar ötürmə edib.
Futbolçu hələ “Napoli”də debüt etməsə də, İtaliya millisində oynamağı bacarıb. Folorunşo bu ilin iyununda Bosniya və Herseqovina ilə yoldaşlıq oyununda debüt edib. AÇ2024-də isə Albaniya ilə qrup mərhələsinin oyununun sonunda meydana daxil olub.
