"Neftçi"dən daha bir transfer - RƏSMİ
“Neftçi” yeni transferini açıqlayıb.
Msport.az xəbər verir ki, paytaxt klubu Endryu Qravillyonla 2 illik müqavilə imzalayıb. O, yeni komandasında 55 nömrəli formanı geyinəcək.
28 yaşlı müdafiəçinin son klubu İtaliya təmsilçisi “Pekara” olub. O, buna qədər “Benevennto”, “Askoli”, “Loryan”, “Reyms”, “Torino” və Adana Demirspor” klublarında çıxış edib.
Qvadelupa millisinin üzvü “İnter”in Akademiyasında olsa da, əsas komandada debüt etməyib.
Qravillon ötən mövsüm İtaliya B seriyasında 24 oyun keçirib. Müdafiəçi daha əvvəl Fransa Liqa-1 (65 oyun), İtaliya A seriyası (9 oyun), Türkiyə Super Liqasında da (41 oyun) oynayıb.
