"Neftçi"nin sabiq oyunçusu Yaponiya millisinə stadionda dəstək oldu
“Nefçi”nin sabiq futbolçusu Keysuke Honda Yaponiya millisinə dəstək olub.
Msport.az xəbər verir ki, 36 yaşlı yarımmüdafiəçi Qətərə yollanaraq Yaponiya – İspaniya matçını (2:1) stadiondan izləyib. Honda bununla bağlı sosial şəbəkədə paylaşım edib.
Qeyd edək ki, Yaponiya bu qələbə sayəsində E qrupunda 1-ci yeri tutub və 1\8 finalda Xorvatiya ilə qarşılaşacaq.
Honda 2021-ci ildə “Neftçi”də çıxış edib və paytaxt klubunda Azərbaycan çempionu olub.
