“Neymar “Barsa”da qalsaydı, “Qızıl top”u qazanardı”
Uruqvaylı hücumçu Luis Suares bildirib ki, Neymar “Barselona”da qalsaydı, “Qızıl top”u alardı.
Msport.az xəbər verir ki, vaxtilə Kataloniya klubunda oynamış futbolçu hazırda Braziliyanın “Qremio” komandasında çıxış edir:
“Bu səmimi etirafdır. Mən dediyimin məsuliyyətini başa düşürəm. Əgər Neymar “Barselona”da qalsaydı, şübhəsiz ki, “Qızıl top”u qazanardı. Bu mənim şəxsi fikirimdir”.
Xatırladaq ki, Neymar “Barsa”nı 2017-ci ildə tərk edib. Braziliyalı forvard PSJ-yə 222 milyon avroya keçərək dünya tarixinin ən bahalı futbolçusu olmuşdu.
31 yaşlı Neymar heç vaxt “Qızıl top”u qazanmayıb. Onun Paris klubu ilə müqaviləsi 2025-ci ilə kimidir.
ANAR ABDULLAYEV