Neymar dublla “Santos”a qələbə qazandırdı
Neymarın formasını geyindiyi “Santos” Braziliya çempionatında 18-ci tur oyununa çıxıb.
Msport.az xəbər verir ki, komanda evdə “Yuventuda” ilə qarşılaşıb.
Görüş meydan sahiblərinin 3:1 hesablı qələbəsi ilə başa çatıb. Matçda Neymar dubl edib. “Santos”un digər qolunu isə Alvaro Barreal vurub. “Yuventuda”dan yalnız Uilker Anxel fərqlənib.
Bu qələbədən sonra “Santos” 18 xalla Braziliya çempionatının turnir cədvəlində 15-ci pilləyə yüksəlib.
