Neymar maşın kolleksiyasını “Ferrari” ilə zənginləşdirdi – 1,2 milyona
“Santos”un ulduz futbolçusu Neymar lüks avtomobil alıb.
Msport.az xəbər verir ki, braziliyalı hücumçu 1,2 milyon avroya “Ferrari” sahibi olub.
Neymarın seçdiyi model qara rəngdədir və yalnız müəyyən işıqlandırma şəraitində görünən xüsusi detallardan ibarətdir. Avtomobil 725 at gücünə malikdir.
Qeyd edək ki, forvardın bir neçə bahalı idman avtomobili var. O, bu yaxınlarda demək olar ki, 650 min avro dəyərində “Porsche” və məhdud sayda istehsal edilən “Rolls-Royce” alıb.
