Neymar “Santos”la müqaviləsini uzadır
“Santos”un hücumçusu Neymar Braziliya klubu ilə müqaviləsini uzadacaq.
Msport.az xəbər verir ki, 33 yaşlı forvardın 1 illik yeni sözləşməyə qol çəkəcəyi gözlənilir.
Baziliyalı ulduzun hazırkı müqaviləsi bu yay başa çatır.
Qeyd edək ki, Neymar “Santos”un yetirməsidir. O, doğma komandasına bu ilin yanvarında “Əl-Hilal”dan keçib. Bu mövsüm forvard bütün turnirlərdə 9 oyun keçirib, 3 qol vurub və eyni sayda məhsuldar ötürmə edib.
