Niderland futbolunun əfsanəsi vəfat etdi
“Barselona”, “Ayaks” və Niderland millisinin sabiq futbolçusu Yohan Neskens vəfat edib. Msport.az xəbər verir ki, o, 74 yaşında Əlcəzairdə dünyasını dəyişib.
Neskens Niderland yığmasında 49 oyunda 17 qol vurub. O, 1974 və 1978-ci ilin dünya çempionatlarında iştirak edib.
Y.Neskens futbolçu karyerasını başa vurduqdan sonra Niderland və Avstraliya millilərində, həmçinin “Barselona”da məşqçi kimi işləyib.
