“Növbəti başlar sizin olacaq” - Azarkeşlər rəhbərliyə hədə-qorxu gəldi
“Sampdoriya” fanatları klub rəhbərliyinin ünvanına hədə-qorxu gəliblər.
Msport.az xəbər verir ki, onlar bağlamada donuz başı göndərərək, prezident və vitse-prezidenti təhqir ediblər.
Bu gün Genuya klubunun mənzil-qərərgahına içində donuz başı olan qutu göndərilib.
Bağlamanın içində “Sampdoriya”nın prezidenti Massimo Ferrero və vitse-prezident Antonio Romeinin ünvanına təhqir yazılmış kağız da olub. Məktubda “növbəti başlar sizin olacaq” yazılıb.
Polis araşdırmaya başlayıb. Hüquq-mühafizə orqanlarının əməkdaşları hadisəni törədənləri tapmaq üçün təhlükəsizlik kameralarını izləyəcəklər.
Artıq xeyli vaxtdır ki, azarkeşlərlə rəhbərliyin münasibətləri gərgindir.
23 turdan sonra komanda 11 xalla 19-cu yeri tutur.
ANAR ABDULLAYEV
