Növbəti qalmaqal - Futbolçu mərc oyunlarında ittiham olunur
“Yuventus”un yarımmüdafiəçisi Nikolo Fadjoli bukmeker kontorlarına qeyri-qanuni pul qoyuluşunda ittiham olunur. Msport.az “Gazzetta dello Sport”a istinadən xəbər verir ki, 22 yaşlı futbolçu istintaqa cəlb olunub.
Təhqiqatı Turin prokurorluğu aparır.
Fadjolinin günahı sübut olunarsa, o, 3 il futboldan kənarlaşdırıla bilər. Həmçinin oyunçu 25 min avrodan çox cərimə də ödəməli olacaq.
Fadjoli bu mövsüm “Yuve”nin heyətində 6 oyunda meydana çıxıb və bir məhsuldar ötürmə verib.