Özbək futbolçu İngiltərə nəhəngində?
“Lans”ın müdafiəçisi Abdukodir Xusanov karyerasını İngiltərə Premyer Liqasında davam etdirə bilər.
Msport.az xəbər verir ki, bu barədə insayder Fabritsio Romano məlumat yayıb.
“Mançester Siti” özbək futbolçunu transfer etmək istəyir.
İngiltərə klubu Xusanovu yanvar ayında heyətinə qatmağı planlaşdırır. “Mançester Siti”dən başqa Avropada bir neçə klub da 20 yaşlı mərkəz müdafiəçisi ilə maraqlanır.
Qeyd edək ki, “Lans” Abdukodir Xusanovu ötən ilin yayında Belarusun “Energetik-BQU” klubundan transfer edib. Özbəkistan millisinin üzvü olan gənc oyunçu bu mövsüm Liqa 1 təmsilçisinin heyətində meydana çıxdığı 16 rəsmi matçda 1 qol ötürməsi ilə yadda qalıb.
