Paris-2024: Finalçılar bəlli oldu
Fransanın paytaxtı Parisdə keçirilən Yay Olimpiya Oyunlarının futbol yarışında finalçılar bəlli olub.
Msport.az xəbər verir ki, ilk olaraq Mərakeş yığmasını 2:1 hesabı ilə məğlub edən İspaniya həlledici görüşə vəsiqə qazanıb.
Digər yarımfinal qarşılaşmasında isə Fransa seçməsi Misir ilə üz-üzə gəlib. Oyun əlavə vaxtda 3:1 hesabı ilə başa çatıb. Görüşün əsas vaxtı isə 1:1 hesabı ilə bitib.
Beləliklə, finalda Fransa ilə İspaniya üz-üzə gələcək. Həlledici matç 9 avqustda baş tutacaq.
