Patrik Vieyra qovulur?
“Cenoa”nın baş məşqçisi Patrik Vieyra və idman direktoru Marko Ottolini vəzifələrindən azad oluna bilər.
Msport.az xəbər verir ki, klub A Seriyasında mövsümə tarixinin ən pis başlanğıcından sonra yeni idman direktoru tapmaq niyyətindədir.
Həmin şəxs isə fransalı mütəxəssisin taleyi ilə bağlı qərar verəcək. Ottolinin yerinə əsas namizəd ispaniyalı Dieqo Lopes hesab edilir.
Qeyd edək ki, “Cenoa” A Seriyasında 9 oyundan sonra 3 xalla sonuncu – 20-ci pillədə qərarlaşıb.
