“Porto”da yeni baş məşqçi
Portuqaliyanın “Porto” klubunun yeni baş məşqçisi bəlli olub.
Msport.az xəbər verir ki, komanda Martin Anselmiyə tapşırılıb.
Argentinalı mütəxəssis baş məşqçi postunda Vitor Brunonu əvəzləyib. 39 yaşlı çalışdırıcı ilə 2027-ci ilin yayına qədər nəzərdə tutulan müqavilə imzalanıb. Anselmi bunadək Meksikada “Krus Asul”, Ekvadorda “İndependente del Valye” kimi klubları çalışdırıb.
Qeyd edək ki, “Porto” 19 turdan sonra 41 xalla 3-cü yerdə qərarlaşıb.
