Premyer Liqa klubunda növbəti ciddi itki
“Nyukasl” ciddi itki ilə üzləşib.
Msport.az xəbər verir ki, kapitan Camal Laselles İngiltərə Premyer Liqasının XXX turunda “Vest Hem”lə oyunda (4:3) sıradan çıxıb.
Qarşılaşmanın 17-ci dəqiqəsində zədələnən oyunçu çarpaz bağındakı xəsarət səbəbindən 6-9 ay yaşıl meydanlardan uzaq qalacaq. Həkimlər onun sağ diz çarpaz bağının yırtıldığını açıqlayıb. 30 yaşlı mərkəz müdafiəçisi bu həftə əməliyyat olunacaq.
Daha əvvəl “Nyukasl”ın digər müdafiəçisi Sven Botman eyni zədə ucbatından 6 aylıq sıradan çıxıb.
Qeyd edək ki, Laselles bu mövsüm Premyer Liqada keçirdiyi 16 oyunda 1 qol vurub.
