Premyer Liqa klubundan yeni transfer
İngiltərə Premyer Liqasında çıxış edən “Brayton” heyətini yeni futbolçu ilə gücləndirib.
Msport.az xəbər verir ki, bu barədə klubun rəsmi saytı məlumat yayıb.
ABŞ-ın “İnter Mayami” komandasından Dieqo Qomes transfer olunub.
Paraqvaylı yarımmüdafiəçi 2025-ci ilin yanvar ayında yeni komandasına qoşulacaq. “Brayton” Dieqo Qomes üçün ABŞ klubuna 15 milyon dollar təzminat ödəyəcək.
Qeyd edək ki, “İnter Mayami” Dieqo Qomesi ötən ilin yayında Paraqvayın “Libertad” klubundan transfer etmişdi. Paraqvay millisinin üzvü olan 21 yaşlı orta xətt oyunçusu MLS təmsilçisinin heyətində keçirdiyi 40 rəsmi matçda 7 qol və 7 məhsuldar ötürmə ilə yadda qalıb.
