PSJ Veratti ilə vidalaşmağa hazırlaşır - Futbolçu klubun düşərgəsinə 4 kq artıq çəki ilə dönüb
PSJ Marko Veratti ilə yollarını ayırmağa hazırdır. Msport.az “Le Parisien”ə istinadən xəbər verir ki, Paris klubu yayda 30 yaşlı futbolçu ilə vidalaşa bilər.
İtaliya yığmasının üzvü dekabrda tətildən 4 kq artıq çəki ilə qayıdıb. Onun işə münasibəti PSJ rəhbərliyinin ürəyincə deyil. Məşqçilər korpusu futbolçunun oyunundan da razı deyil. Veratti bu mövsüm 35 oyunda cəmi 1 məhsuldar ötürmə verib. Yarımmüdafiəçinin əməkhaqqısı da yetərincə yüksəkdir – vergiləri nəzərə almasaq, ayda 1 milyon avrodan çox.
Veratti ilə müqavilə 2022-ci ilin dekabrında uzadılsa da, Paris təmsilçisi onunla vidalaşmağa hazırdır. Futbolçunun müqaviləsi 2026-cı ilin iyununa kimi nəzərdə tutulub.
ANAR
