“Qalatasaray” futbolçusunu heyətdən kənarlaşdırır
Türkiyənin “Qalatasaray” klubu futbolçusu Anxelinyonu heyətdən kənarlaşdırır.
Msport.az “Sabah Qəzeti”nə istinadən xəbər verir ki, buna ispaniyalı oyunçunun cari mövsüm 19 qarşılaşmada meydana çıxması səbəb olub.
İcarə əsasında “sarı-qırmızılar”da forma geyinən 26 yaşlı cinah müdafiəçisi müqaviləyə əsasən, 20 matçda meydana çıxsa, ölkə çempionu onu 6 milyon avroya almalıdır.
Futbolçu göstərilən etimadı doğrultmadığı üçün növbəti matçlarda iştirak etməyəcək. Yalnız onun məxsus olduğu “Leyptsiq” klubu sözləşmədəki maddəni dəyişsə, Anxelinyo şans qazana bilər.
