“Qarabağ”a qol vuran hücumçu: “Bu, çox vacib məqamdır”
“Dinamo”nun (Zaqreb) hücumçusu Sandro Kulenoviç komandasının Çempionlar Liqasının əsas mərhələsinə yüksəlməyin vacibliyindən danışıb.
Msport.az xəbər verir ki, “sport.tvp.pl” portalına danışan xorvatiyalı hücumçu turnirin pley-off görüşlərində “Qarabağ” üzərindəki qələbələri də xatırlayıb. O, Zaqrebdəki görüşdə vurduğu qollara da toxunub:
“Bu, təkcə karyeramda deyil, həm də həyatımda çox vacib məqamdır. “Qarabağ”a iki qol vurmaq xüsusi idi. Komandaya bu şəkildə kömək etdiyim üçün çox xoşbəxt oldum”.
Qeyd edək ki, Kulenoviç Zaqrebdə 3:0 hesabı ilə başa çatan görüşdə “Qarabağ”ın qapısına iki qol vurub.
