“Qarabağ”ın rəqibi futbolçusunu göndərir
UEFA Çempionlar Liqasında “Qarabağ”ın rəqiblərindən olan “Liverpul”un yarımmüdafiəçisi Harvi Elliott Bundesliqaya keçə bilər.
Msport.az xəbər verir ki, “Leypsiq” ingiltərəli futbolçunun transferində maraqlıdır.
Almaniya klubu “Tottenhem”ə keçən niderlandlı futbolçu Xavi Simonsu əvəzləmək üçün Elliottu almaq niyyətindədir.
22 yaşlı futbolçu 2024/25 mövsümündə 28 oyun keçirib, 5 qol vurub və 3 məhsuldar ötürmə edib. Onun “Liverpul”la müqaviləsi 2027-ci ilin yayında başa çatacaq.
