“Qarabağ”ın rəqibində ayrılıq
UEFA Çempionlar Liqasının III təsnifat mərhələsindəki “Qarabağ”ın rəqibi olan “Ludoqorets”də ayrılıq yaşanıb.
Msport.az xəbər verir ki, bu barədə Bolqarıstan mətbuatı məlumat yayıb.
Bildirilib ki, Ağdam klubu ilə oyunöncəsi “Ludoqorets”in alman müdafiəçisi Marsel Heyster komandanı tərk edib. Onun karyerasını hansı komandada davam etdirəcəyi də artıq bəllidi. 32 yaşlı futbolçu Xorvatiyanın “İstra” klubu ilə anlaşıb. O, 2014-2016-cı illərdə də formasını geyindiyi “İstra”ya azad agent olaraq qayıdıb.
Qeyd edək ki, bu gün keçiriləcək “Ludoqorets” – “Qarabağ” matçı Bakı vaxtı ilə saat 22:00-da start götürəcək.
