"Qarabağ" Rumıniya klubu ilə üz-üzə
“Qarabağ” bu gün UEFA Avropa Liqasında növbəti oyununu keçirəcək.
Msport.az-ın məlumatına görə, Qurban Qurbanovun baş məşqçisi olduğu kollektiv Bakıda Rumıniyanın FCSB komandasını qəbul edəcək.
Tofiq Bəhramov adına Respublika Stadionunda keçiriləcək qarşılaşma saat 21:45-də başlayacaq. Matçı slovakiyalı FIFA referisi Filip Qlova idarə edəcək.
Qeyd edək ki, “köhlən atlar” Liqa mərhələsində 3 xalla 33-cü, qonaqlar isə 11 xalla 10-cu pillədə qərarlaşıb.
