“Qəbələ”nin sabiq məşqçisi vəfat etdi

12.02.202318:24

“Qəbələ”nin sabiq məşqçisi vəfat etdi

2009-2015-ci illərdə “Qəbələ” Futbol Akademiyasında qapıçı məşqçisi işləyən Uğur Kurt Türkiyədəki zəlzələ nəticəsində vəfat edib.

Msport.az “Hürriyet”ə istinadən xəbər verir ki, bunu “Başakşehir” klubunun prezidenti Göksel Gümüşdağ açıqlayıb.

“Akademiyamızda işləmiş, son olaraq “İskenderunspor”da çalışan Uğur Kurtun vəfat xəbərini üzüntü ilə öyrəndik” – deyə o bildirib.

Qeyd edək ki, bir neçə gün idi ki, məşqçinin axtarışları dağıntılar arasında davam etdirilirdi. Onun voleybolçu olan qızı Simay Kurt atasının axtarışlarının tezləşdirilməsi üçün sosial şəbəkələrdə müraciət də ünvanlamışdı.

AYXAN