Qəza keçirən İmmobile bir müddət futbol oynaya bilməyəcək
Avtomobil qəzasına uğrayan “Latsio”nun hücumçusu Çiro İmmobile bir müddət komandasına kömək edə bilməyəcək. Msport.az “Sky Sport”a istinadən xəbər verir ki, futbolçunun onurğa sümüyü zədələnib və qabırğası sınıb.
33 yaşlı forvard ən azı 15 gün yaşıl meydanlardan kənarda qalacaq. Bu isə o deməkdir ki, İmmobile aprel 22-də “Torino, 30-da isə “İnter”ə qarşı oynaya bilməyəcək.
Xatırladaq ki, futbolçu dünən səhər saatlarında Romada “Olimpiko” atadionunun yaxınlığında körpüdən keçərkən tramvayla toqquşub. Qəza nəticəsində tramvayın sərnişinlərindən də xəsarət alanlar olub.
ANAR ABDULLAYEV
