"Qızıl top" Vinisiusa verilməyəcək - "Real" tədbiri boykot etdi
“Real” bu gün keçiriləcək “Ballon d`Or” mükafatlandırma mərasimində yalnız bir şəxslə təmsil olunacaq. Msport.az xəbər verir ki, tədbirə Madrid klubunu yalnız direktor Emilio Butragenyo təmsil edəcək.
İlin ən yaxşı futbolçusu Vinisius Junior seçilmədiyindən “Real” mərasimi boykot etməyi qərara alıb. Qeyd edək ki, öncədən Cud Bellingem, Vinisius və prezident Florentino Peresin Parisə getməsi planlaşdırılırdı. Lakin onlar Fransa paytaxtına getməkdən imtina ediblər.
