Qurban Qurbanov: "Azarkeşlərimiz bizdən yaxşı nəticə gözləyirlər"
“Azarkeşlərimiz bizdən həm yaxşı oyun, həm də yaxşı nəticə gözləyirlər”.
Msport.az xəbər verir ki, bunu “Qarabağ”ın baş məşqçisi Qurban Qurbanov “CBC Sport”a açıqlamasında deyib.
Təcrübəli mütəxəssisi Avropa Liqasında Yunanıstanda “Olimpiakos”a qarşı keçirəcəkləri matçla bağlı danışıb:
“Yaxşı nəticə üçün nə lazımdırsa, edəcəyik. “Vaxtımız az olsa da, oyuna pis hazırlaşmamışıq. Həm Avroliqa, həm çempionatdakı iki məğlubiyyətdən sonra “Olimpiakos”la qarşılaşmaya hazırlaşmaq asan olmadı. Bu oyunun bizim üçün bir mahiyyəti olmasa da, bilirik ki, azarkeşlərimiz matçı səbirsizliklə gözləyəcəklər. Çalışacağıq ki, son oyunda var gücümüzlə ən yaxşısını edək”.
Qeyd edək ki, “Olimpiakos” – “Qarabağ” oyunu yanvarın 30-da, Bakı vaxtı ilə saat 00:00-da start götürəcək.
