Pep Qvardiola antirekordunu təkrarladı
“Mançester Siti” cari mövsüm 12-ci məğlubiyyətini alıb.
Msport.az xəbər verir ki, İngiltərə klubu son olaraq Çempionlar Liqasının pley-off mərhələsində “Real”a öz meydanında 2:3 hesabı ilə uduzub.
“Şəhərlilər”in baş məşqçisi Pep Qvardiola bununla karyerasının antirekordunu təkrarlayıb. İspaniyalı mütəxəssis indiyə qədər yalnız 2019-20 mövsümündə bu qədər məğlubiyyətlə üzləşmişdi. Qvardiola daha bir yenilgi təqdirində öz antirekordunu yeniləyəcək.
Qeyd edək ki, “Mançester Siti” bu mövsüm Çempionlar Liqasında 4, Premyer Liqada 7, Liqa kubokunda 1 məğlubiyyət alıb.
