Qvardiola və azarkeşlər De Bruynenin qərarından məyus olub
Mövsümün sonunda “Mançester Siti”dən ayrılacağını açıqlayan Kevin De Bruyne “Çelsi”, “Arsenal”, “Mançester Yunayted” və ya “Nyukasl”a keçə bilər.
Msport.az yerli mətbuata istinadən xəbər verir ki, belçikalı yarımmüdafiəçi hazırda bu 4 klub arasında seçim edir.
“Şəhərlilər”in baş məşqçisi Xosep Qvardiola De Bruynenin qərarından məyus olub. Komandanın azarkeşləri də eyni münasibətdədir – onlar bu qərarı xəyanət kimi qəbul edirlər.
Futbolçu isə müsahibəsində qeyd edib ki, “Mançester Siti”dən ayrıldıqdan sonra İngiltərədə qalıb-qalmayacağı hələlik bilmir.
Qeyd edək ki, De Bruyne bu mövsüm klub səviyyəsində 33 oyun keçirib, 5 qol vurub və 8 məhsuldar ötürmə edib. Onun bazar dəyəri 27 milyon avrodur.
