Qyökereşin yeni klubu dəqiqləşdi
“Sportinq”in hücumçusu Viktor Qyökereş “Arsenal”a keçməyə çox yaxındır.
Msport.az xəbər verir ki, Portuqaliya klubu 27 yaşlı futbolçunun transferi ilə bağlı razılığın əldə olunduğunu təsdiqləyib.
Transferin məbləği 63 milyon avro təşkil edəcək. Bundan əlavə, 3 milyon avro zəmanətli ödəniş və 10 milyon avro bonus nəzərdə tutulur. Futbolçunun agenti transferi asanlaşdırmaq üçün komissiya haqqından imtina edib.
Qeyd edək ki, Qyökereş 2023-cü ildən “Sportinq”də çıxış edir. O, komandanın heyətində keçirdiyi 102 oyunda 97 qol vurub və 28 qolun ötürməsini verib.
