Raul gələ bilər... - Ançelotti göndərilsə
Raul gələcəkdə “Real”ın baş məşqçisi ola bilər. Msport.az “As”a istinadən xəbər verir k, Karlo Ançelotti istefaya göndərilsə, əfsanəvi hücumçu onu əvəz edəcək.
İtaliyalı mütəxəssisin Madrid klubu ilə müqaviləsi 2024-cü ilə qədərdir.
Raul hazırda İspaniyanın III liqasında mübarizə aparan “Kastilya”ya rəhbərlik edir. Onun komandası turnir cədvəlində 4-cü yeri tutur.
Raulun üstün tərəfləri kimi liderlik qabiliyyətlərini və xarizmasını qeyd edirlər.
“Real” rəhbərliyi”Kastilya”dan gələn futbolçuların əsas komandada möhkəmlənməsini də nəzərə alır. Alvaro Rodriqes bu yaxınlarda A komandasında debüt edərək, qol da vurub.
Klubda hesab edirlər ki, Raul əsas komandaya rəhbərlik etməyə hazırdır. Bu məsələdə son sözü klubun prezidenti Florentino Peres deyəcək.
ANAR ABDULLAYEV