“Real”da yeni müqavilə
İspaniyanın “Real” komandası futbolçusu Eduardu Kamavinqa ilə müqaviləni yeniləyib.
Msport.az klubun rəsmi saytına istinadən xəbər verir ki, Madrid təmsilçisi 21 yaşlı yarımmüdafiəçinin sözləşməsinin müddətini 2029-cu ilin yayınadək uzadıb.
Fransalı oyunçunun təzminat qiyməti isə 1 milyard avro olaraq müəyyənləşdirilib.
Qeyd edək ki, Eduardo Kamavinqa 2021-ci ilin avqustundan “Real”ın formasını geyinir.
“Kral klubu” daha əvvəl braziliyalı hücumçu Vinisius Juniorla müqavilənin müddətini uzadıb.
