“Real” “El Klasiko”da qələbə qazandı
İspaniya La Liqasında XXXII turun mərkəzi qarşılaşması keçirilib.
Msport.az xəbər verir ki, “El Klasiko”da “Real” “Barselona”nı qəbul edib.
Qarşılaşma meydan sahiblərinin qələbəsi ilə bitib – 3:2.
“Kral-klubu”nda qolları Vinisius (18-ci dəqiqə, penalti), Lukas Vaskes (73) və Jud Bellinqem (90+1) vurub. “Barselona” da isə Andreas Kristensen (6) və Fermin Lopes (69) fərqlənib.
Qeyd edək ki, “Real” 81 xalla liderdir. Kataloniya təmsilçisi 70 xalla ikinci sıradadır.
