“Real”ın 53 illik sindromu davam edir
“Real” 53 ildir İspaniya kubokunda “Barselona”ya öz meydanında qalib gələ bilmir.
Msport.az xəbər verir ki, bu uğursuz seriya ötən gün baş tutan yarımfinalın ilk oyununda da davam edib.
“Santyaqo Bernabeu”da baş tutan görüş “Barselona”nın 1:0 hesablı qələbəsiylə bitib. Kataloniya təmsilçisi 1970-ci ildən bəri bu arenada keçirdiyi 10-cu kubok qarşılaşmasında da əzəli rəqibinə uduzmayıb.
Bu komandalar arasında cavab oyunu aprelin 5-də “Nou Kamp”da baş tutacaq.
