“Real”ın hücumçusu “El Klasiko”nu buraxacaq
“Real” aparıcı futbolçularından Rodriqonu itirib.
Msport.az xəbər verir ki, “kral klubu” Braziliya millisinin üzvünün “Barselona”ya qarşı “El Klasiko”nu buraxacağını açıqlayıb.
Tibbi müayinədən keçən 23 yaşlı “sambaçı”nın təxminən 3 həftə komandadan ayrı qalacağı bildirilib. Ona omba nahiyəsindən zədə diaqnozu qoyulub. Rodriqo Çempionlar Liqasının III turunda Dortmund “Borussiya”sı ilə ev oyununda (5:2) zədələnib.
Qeyd edək ki, La Liqa çərçivəsində “Real” – “Barselona” oyunu sabah keçiriləcək.
