“Real”ın hücumçusu “Liverpul”a keçməyə razılıq verib
“Liverpul” “Real”ın hücumçusu Rodriqonun transfe1ri ilə bağlı danışıqlara başlayıb. Msport.az xəbər verir ki, İngiltərə klubu braziliyalı futbolçunun nümayəndələri ilə onun müqaviləsinin detalları ilə bağlı görüş keçirib.
Mənbənin sözlərinə görə, 24 yaşlı forvard müqavilə şərtlərini qəbul edib.
Qeyd edək ki, bir müddət əvvəl “Tottenhem”in də Rodriqoya maraq göstərməsinə dair xəbər yayılmışdı.
O, cari mövsümdə bütün turnirlərdə 54 oyunda 14 qol vurub və 11 məhsuldar ötürmə verib. Onun Madrid klubu ilə müqaviləsi 2028-ci ilin yayına qədərdir.
