“Real”ın sabiq hücumçusu 39 yaşında karyerasını bitirdi
Emmanuel Adebayor 39 yaşında karyerasını bitirdiyini açıqlayıb. Msport.az “The Athletic”ə istinadən xəbər verir ki, toqolu futbolçu sosial şəbəkədə azarkeşlərlə vidalaşıb.
Adebayor peşəkar karyerasına “Mets”də başlayıb, ordan “Monako”ya keçib. Sonralar o, “Arsenal”, “Mançester Siti”, “Real”, “Tottenhem”, “Kristal Pelas”, “Başakşehir”, “Kayserispor” və “Olimpiya Osunsyon” klublarının heyətində çıxış edib.
Onun son komandası Toqonun “Semassi” klubu olub. Sabiq hücumçu “Real”da İspaniya kubokuna yiyələnib. O, “Monako” ilə Çempionlar Liqasının finalına yüksəlib.
Adebayor Toqo yığmasında 85 oyunda 32 qol vurub.
ANAR ABDULLAYEV
