“Real” ulduz futbolçu ilə razılığa gəldi
İspaniyanın “Real” klubu İngiltərə millisinin və “Liverpul”un futbolçusu Trent Aleksander-Arnoldla anlaşıb.
Msport.az AS nəşrinə istinadən xəbər verir ki, sağ cinah müdafiəçisinin “kral klubu”na keçidi böyük ölçüdə həll olunub. İddiaya görə, artıq tərəflər arasında bütün detallar razılaşdırılıb, sadəcə, 26 yaşlı oyunçunun müqaviləni imzalamağı qalıb. Reqlamentə əsasən, o, sözləşməyə 2025-ci il yanvarın 1-dən tez imza ata bilməz.
Aleksander-Arnold daha əvvəl “Liverpul”un yeni müqavilə ilə bağlı bir neçə təklifini qəbul etməyib.
Qeyd edək ki, ulduz futbolçu bu mövsüm bütün turnirlərdə 22 matçda meydana çıxıb və 5 məhsuldar ötürmə ilə yadda qalıb. İngiltərəli müdafiəçinin bazar dəyəri 75 milyon avrodur.
