“Real” və PSJ Kvaratsxeliya ilə maraqlanır
Avropanın top-klubları “Napoli”nin vingeri Xviça Kvaratsxeliya ilə maraqlanır. Msport.az xəbər verir ki, “Mançester Siti” və “Nyukasl” gürcüstanlı futbolçunun çıxışını yaxından izləyirlər.
23 yaşlı oyunçu “Real” və PSJ-nin də diqqət mərkəzinə düşüb.
“Napoli” iki əsas lideri – Kvaratsxeliya və Osimheni komandadan buraxmaq istəmir. Xviçanın özü də hələ Neapol klubundan gedişi barədə düşünmür. “Napoli”nin Kvaratsxeliyanı 50 milyona buraxa biləcəyi deyilsə də, əslində bu, o qədər də inandırıcı deyil. Məbləğ ikiqat çox ola bilər.
Heç kimdə şübhə doğurmur ki, yayda gürcü futbolçunun kifayət qədər təklifləri olacaq.
ANAR ABDULLAYEV