Renatın komandası səfərdən 1 xalla döndü
Futbol üzrə İsveçrə çempionatında 23-cü turun oyunları keçirilib.
Msport.az xəbər verir ki, Azərbaycan millisinin hücumçusu Renat Dadaşovun formasını geyindiyi “Qrasshopper” də növbəti matçına çıxıb.
Sözügedən kollektiv səfərdə “Sankt Qallen”lə qarşılaşıb. Futbolçumuzun komandası bu oyundan heç-heçə ilə ayrılıb – 1:1.
Renat da bu görüşün iştirakçısı olub. O, start heyətdə meydana çıxıb və 63-cü dəqiqədə əvəzlənib. 48-də isə o, sarı vərəqə ilə cəzalanıb.
“Qrasshopper” 23 turdan sonra 25 xalla 10 iştirakçı arasında 7-ci pillədə qərarlaşıb.
