Rodri nə vaxt yaşıl meydanlara qayıda biləcəyini açıqladı
İngiltərənin “Mançester Siti” klubunun və İspaniya millisinin futbolçusu Rodri yaşıl meydanlara nə vaxt qayıda biləcəyini açıqlayıb.
Msport.az-ın məlumatına görə, məşhur insayder Fabritsio Romano sosial şəbəkə hesabında yarımmüdafiəçinin fikirlərinə yer verib.
“Mənə elə gəlir ki, bu mövsüm geri qayıda bilərəm. Bu, mümkündür. Hazırda sağalıram. Yaxşı şəkildə sağalmaq vacibdir. Mövsüm uzundur. Klublararası dünya çempionatı da var. Mən bunu bacaracağam”.
Qeyd edək ki, Rodri cari ildə “Qızıl Top” mükafatına da layiq görülüb. O, Premyer Liqanın V turunda “Arsenal”a (2:2) qarşı keçirilən matçda sıradan çıxıb.
