“Roma”da yeni müdafiəçi
İtaliyanın “Roma” klubu heyətini yeni futbolçu ilə gücləndirir.
Msport.az “Sky İtalia” nəşrinə istinadən xəbər verir ki, “canavarlar” Fransa təmsilçisi “Lans”dan Kevin Dansonu transfer edəcək.
Paytaxt klubu transfer dönəmi bağlanmadan 25 yaşlı müdafiəçi ilə müqavilə imzalayacaq. Avstriya millisinin üzvü 2024/2025 mövsümünün sonunadək icarəyə götürüləcək. “Roma” oyunçunu almaq hüququna malik olacaq.
Qeyd edək ki, Kevin Danso ötən mövsüm 38 matçda 1 qolla yadda qalıb. O, AVRO-2024-də yığmanın heyətində üç qarşılaşmada meydana çıxıb.
