Ronaldo acıq edib stadionu tərk etdi
“Mançester Yunayted”in hücumçusu Kriştiano Ronaldo “Tottenhem”lə oyun (2:0) başa çatmamış stadionu tərk edib.
Msport.az “The Atletic”ə istinadən xəbər verir ki, portuqliyalı futbolçu 90-cı dəqiqədə nümayişkaranə şəkildə texniki zonadan uzaqlaşaraq paltardəyişmə otağına yollanıb. Mənbənin sözlərinə görə, Ronaldo stadiondan çıxıb gedib və komanda qələbəni qeyd edərkən paltardəyişmə otağında olmayıb.
“Yunayted”in baş məşqçisi Erik Ten Haq məsələni araşdıracağını bildirib.
Ulduz futbolçu bu mövsüm İngiltərə Premyer Liqasında 8 oyunda meydana çıxıb və 1 qol vurub. Gəzən söz-söhbətlərə görə, Portuqaliya millisinin üzvü qış “transfer pəncərəsi”ndə “Mançester Yunayted”i tərk edə bilər.
