Ronaldo əlində qılınc, ərəblərin milli geyimində
“Əl Nəsr” klubunun hücumçusu Kriştiano Ronaldo Səudiyyə Ərəbistanında bayram şənliklərində iştirak edib.
Msport.az xəbər verir ki, fevralın 22-də Səudiyyə Ərəbistannıda dövlətin yaranması günü qeyd olunur.
Bununla bağlı fərman 22 fevral 2022-ci ildə verilib. İkinci dəfədir ki, ölkədə bu gün təntənəli şəkildə keçirilir.
Ulduz futbolçunun sosial şəbəkədə paylaşdığı çarxda o, əlində qılınc milli geyimdə stadionda dövrə vurur: “Səudiyyə Ərəbistanını dövlətin yaranma günü münasibəti ilə təbrik edirəm! Belə bir bayramda iştirak etmək xüsusi bir təcrübədir”.
ANAR ABDULLAYEV
