Ronaldo əvəzedici komandada məşqə çıxdı
İngiltərənin “Mançester Yunayted” klubunun əsas heyətindən kənarlaşdırılan Kristiano Ronaldo əvəzedici heyətlə məşqlərə başlayıb.
Msport.az xarici mətbuata istinadən xəbər verir ki, o, bu gün yerli vaxtla saat 08:30-da “qırmızı şeytanlar”ın bazasına gedib.
Onun bir neçə gün U-21 komandası ilə hazırlıq keçəcəyi bildirilir.
Xatırladaq ki, portuqaliyalı futbolçu Premyer Liqanın 13-cü turunda “Çelsi” ilə keçiriləcək oyun üçün heyətə daxil edilməyib. Buna hücumçunun intizamsız davranışları səbəb olub. Ronaldo Premyer Liqanın 12-ci turunda “Tottenhem”lə keçirilən görüşün 89-cu dəqiqəsində stadionu tərk edib. Onun həmin oyunun gedişində meydana daxil olmaqdan imtina etməsi ilə bağlı xəbərlər də yayılıb. Bu üzdən də məşqçilər korpusu ulduz futbolçunu belə bir qərarla cəzalandırmağa qərar veriblər.
