Ronaldodan 850-ci qol
“Əl-Nəsr”in futbolçusu Kriştiano Ronaldo karyerasında 850-ci qolunu vurub.
Msport.az xəbər verir ki, bu, Səudiyyə Ərəbistanı çempionatının 5-ci turunda “Əl-Həzm”ə qarşı matçda baş verib. Portuqaliyalı hücumçu 5:1 hesabı ilə qalib gəldikləri görüşdə bir qol vurub və iki qolun ötürməsini verib.
Beləliklə, o, karyerasında vurduğu qolların sayını 850-ə yüksəldib və bu göstəricidə özünə aid olan rekordu yeniləyib.
Qeyd edək ki, Ronaldo 2023-cü ilin yanvarında “Əl Nəsr”ə keçib. 38 yaşlı futbolçunun klubla müqaviləsi 2025-ci ilə qədərdir.
