Rusiya İraqla Piterdə qarşılaşacaq
Rusiya milli komandası öncədən gözlənildiyi kimi İraq yığması ilə Soçidə yox, Sankt-Peterburqda qarşılaşacaq.
Msport.az yerli mətbuata istinadən xəbər verir ki, yoldaşlıq matçı martın 27-də “Qazprom Arena”da keçiriləcək. Oyunun Piterə dəyişilməsinin səbəbi ot örtüyünün daha yaxşı olması ilə bağlıdır.
Şimal qonşumuz buna qədər martın 23-də Tehranda İran seçməsi ilə üz-üzə gələcək. Bu görüşün azarkeşlərsiz, boş tribunalar önündə keçirilməsi nəzərdə tutulub.
Xatırladaq ki, Rusiya millisi və bu ölkənin klubları bütün beynəlxalq yarışlardan təcrid olunublar.
ANAR ABDULLAYEV