“Sabah”dan ayrılan futbolçu ərəblərlə müqavilə bağladı
Ötən həftə “Sabah”dan ayrılan Coy-Lens Mikelsin yeni klubu müəyyənləşib.
Msport.az xəbər verir ki, almaniyalı hücumçu karyerasını Səudiyyə Ərəbistanının “Əl-Faysal”ında davam etdirəcək. Bu barədə sözügedən klubun saytı məlumat yayıb. İmzalanma mərasimində “Əl-Faysal”ın idarə heyətinin rəhbəri Əbdül Məcid bin Əbdüləziz Əl-Aimin də iştirak edib.
Xatırladaq ki, Coy-Lens Mikels 2021-ci ildən “Sabah”da çıxış edirdi. O, bu müddət ərzində meydana çıxdığı 69 oyunda 33 qol vurub.
